Palace vann leikinn 3-2 sem gerði það að verkum að Liverpool er með fjögurra stiga forskot á toppnum.

Á samfélagsmiðlum var talað um að þetta hefði verið það besta sem Roy Hodgson hefði gert fyrir Liverpool en hann náði ekki miklum árangri sem stjóri félagsins á sínum tíma.

Wow. That's the best thing Roy Hodgson has ever done for Liverpool.
Klopp's men 4pts clear at the top of the PL table for Christmas. #LFC

— James Pearce (@JamesPearceEcho) December 22, 2018

Liverpool er enn taplaust en Hodgson telur að það muni ekki endast allt tímabilið. Hann segir að það sé óumflýjanleg að Liverpool tapi, jafnvel á svipaðan hátt og City gegn Palace.

„Ég held að Pep Guardiola muni ekki hafa áhyggjur af fjögurra stiga forskoti þegar 20 leikir eru eftir," sagði Hodgson, en þetta kemur fram hjá Goal.com.

„City á eftir að spila við Liverpool, en ef við hugsum ekki einu sinni um þann leik þá eru allar líkur á því að Liverpool muni lenda í einhverju svona."

„Það mun eitthvað lið vinna Liverpool óvænt, það er mikið eftir og það á eftir að gerast."