Belginn Yuri Tielemans er genginn til liðs við Leicester á láni út leiktíðina en hann kemur frá Mónakó.
Tielemans er 21 árs gamall en hann kom til Mónakó frá Anderlecht árið 2017. Leikmaðurinn hefur verið á óskalista Leicester í þónokkurn tíma en hann hjálpaði Belgum í undanúrslit á HM í fyrra.
Mónakó fá þó leikmann í staðinn fyrir Tielemans en Leicester lánar Adrien Silva til félagsins út leiktíðina.
Silva hefur ekki tekist að festa sig í sessi í byrjunarliðinu frá komu sinni til Leicester fyrir ári síðan.
Silva, 29 ára gamall Portúgali, kom frá Sporting CP og kostaði 22 milljónir punda.
Tielemans verður strax gjaldgengur með Leicester og gæti því tekið þátt í leiknum gegn Manchester United á sunnudag.
— Leicester City (@LCFC) January 31, 2019
Athugasemdir
