Annan leikinn í röð gat Paris Saint-Germain tryggt sér franska meistaratitilinn. Í annað sinn í röð mistókst það hjá þeim.
PSG heimsótti Lille í frönsku úrvalsdeildinni í kvöld og fékk skell.
Lille komst yfir á sjöundu mínútu en PSG jafnaði með marki Juan Bernat á 11. mínútu. Staðan var 1-1 í hálfleik, en í seinni hálfleiknum valtaði Lille yfir PSG.
Nicolas Pepe, sem er á förum frá Lille, kom liðinu yfir og í kjölfarið fylgdu þrjú mörk. Lokatölur 5-1 fyrir Lille. Þess ber að geta að Bernat, markaskorari PSG, fékk rautt spjald á 36. mínútu.
Þetta er stærsta tap PSG í frönsku úrvalsdeildinni frá 2010 og í fyrsta sinn síðan 2000 sem liðið fær á sig fimm mörk í franska boltanum.
PSG er enn á toppnum og Lille er í öðru sæti. Foskot PSG er 17 stig.
Byrjunarlið PSG í kvöld: Areola, Dagba, T. Silva, Kimpempe, Meunier, Paredes, Verratti, Bernat, Draxler, D. Alves, Mbappe.
- Biggest defeat in Ligue 1 since 2010
— Goal (@goal) April 14, 2019
- First time they've conceded five goals in France since 2000
- Biggest defeat in all competitions since losing 6-1 to Barcelona
It's a NIGHTMARE evening for PSG! 😱 #LOSCPSG pic.twitter.com/VAwuASqvqE
Athugasemdir