Nú stendur yfir sérstök Liverpoolmessa í Seljakirkju en lokaumferð ensku úrvalsdeildarinnar verður leikin í dag.

Magnús Þór Jónsson, skólastjóri í Seljaskóla, er staddur í messunni og á myndbandi sem hann birti á Twitter sést að mætingin er ansi góð.

Það má segja að Liverpool þurfi á kraftaverki að halda í lokaumferðinni. Liðið er stigi á eftir toppliði Manchester City sem á útileik gegn Brighton.

„Þessi hugmynd kviknaði eftir leik Barcelona og Liverpool á þriðjudaginn, því margir töluðu um að kraftaverk hefði átt sér stað, þótt að ég ætli kannski ekkert að segja til um það. En þeir sýndu það sannarlega drengirnir að það er alltaf von. Og það er gott að taka það til sín. Og svo sjáum við svo margt annað, við sjáum baráttusönginn You'll Never Walk Alone, sem aldeilis rímar við hina kristnu trú. En þetta er í fyrsta skipti held ég sem áhangendur ensks úrvalsdeildarliðs koma saman sérstaklega í messu," sagði Ólafur Jóhann Borgþórsson, prestur í Seljakirkju, í viðtali við RÚV.

Lokaumferðin verður flautuð á klukkan 14.

Svona er gott að byrja úrslitaleiksdag! #kopis #ynwa #baraeittlið #ibelieve pic.twitter.com/8mEG6fLnRI

— Magnús Þór Jónsson (@maggimark) May 12, 2019

Setjum þetta í hendurnar á þeim Stóra. #ibelieve pic.twitter.com/MFjnYfAijt

— Sóli Hólm (@SoliHolm) May 12, 2019