Arsenal, sem er á toppi ensku úrvalsdeildarinnar, stefnir á það að bæta við sig að minnsta kosti fjórum leikmönnum í sumar.
The Times greinir frá því að félagið telji sig algjörlega geta unnið kapphlaupið við Chelsea um miðjumanninn Declan Rice hjá West Ham.
Það er ansi líklegt að Rice yfirgefi West Ham í sumar en hann mun kosta um 80 milljónir punda.
Það er sagt frá því að Mikel Arteta, stjóri Arsenal, vilji jafnframt bæta við sig öðrum miðjumanni, kantmanni og vinstri bakverði í sumar. Arsenal reyndi að kaupa Moises Caicedo frá Brighton í janúar og gæti reynt aftur við hann í sumar.
Þá er sagt frá því í grein Times að Kieran Tierney gæti verið seldur til að fjármagna leikmannakaup. Þá verði Albert Sambi Lokonga og Nuno Tavares einnig mögulega seldir.
Athugasemdir