Cristian Stellini
Cristian Stellini, aðstoðarþjálfari Tottenham, stýrði liðinu í 1-0 tapinu gegn Sheffield United í fimmtu umferð enska bikarsins í kvöld.
Iliman Ndiaye skoraði sigurmark Sheffield United þegar fimmtán mínútur voru eftir af leiknum eftir góða takta.
Tottenham fékk færi til að skora í leiknum en nýtti ekki og neyddist Stellini, sem hefur stýrt liðinu í fjarveru Antonio Conte, til að biðja stuðningsmenn félagsins afsökunar.
„Ef þú vinnur ekki svona leiki þá er það því eitthvað var ekki fullkomið og orkan okkar í dag var ekki nóg til gera andstæðingum okkar erfitt fyrir. Við fengum tækifærin til að skora en núna verðum við að greina markið sem við fengum á okkur. Það þarf tíma til að koma til baka eftir að þú færð á þig mark.“
„Það kom meiri orka í okkur eftir breytingarnar en það er alveg ljóst að við þurfum miklar bætingar.
„Eina sem ég get gert er að biðja stuðningsmennina afsökunar á frammistöðunni. Þeir eiga miklu meira skilið en þetta,“ sagði Stellini.
Athugasemdir
