Sterling gekk í raðir Chelsea frá Manchester City en hann hefur átt erfitt uppdráttar á sínu fyrsta tímabili í London, rétt eins og nánast allt liðið sem hann er í.

Sterling er ekki með fast byrjunarliðssæti eftir að Chelsea eyddi háum fjárhæðum í janúargluggann. Sögur hafa verið um að Sterling sé að hugsa um að skipta um félag þar sem hann er ósáttur við stöðuna hjá félaginu.

Umboðsskrifstofa Sterling segir þetta hins vegar ekki rétt. „Sterling er alls ekki ósáttur og staða hans verður ekki skoðuð næsta sumar þar sem hann er með langtímasamning," sagði Kelly Hogarth, umboðsmaður Sterling, á samfélagsmiðlum í dag.

Chelsea er sem stendur í tíunda sæti ensku úrvalsdeildarinnar.