Þórður Þórðarson, þjálfari ÍA í Pepsi-deild kvenna, var svekktur með 0-3 tap liðsins gegn ÍBV í kvöld.
Shaneka Gordon gerði öll þrjú mörk ÍBV Í kvöld en Þórður kennir einstaklingsmistökum um fyrsta og þriðja mark leiksins. Honum fannst þó ÍBV ekki hafa verið betra liðið á vellinum í dag.
,,Svekkelsi, mikið svekkelsi. Við vorum að standa okkur vel inni á vellinum, spiluðum fínan fótbolta og gerðum vel það sem við vorum að leggja upp með," sagði Þórður við Fótbolta.net í kvöld.
,,Við töpuðum leiknum á einstaklingsmistökum. Það er gömul klisja að betra liðið skori mörkin en mér fannst það ekki vera þannig í dag."
,,Við fáum fjögur góð færi í fyrri hálfleik til að setja hann á meðan þær skora fyrsta og þriðja markið eftir skelfileg einstaklingsmistök hjá okkur og svo kemur annað markið úr föstu leikatriði," sagði hann ennfremur.
Hægt er að sjá viðtalið í heild sinni hér fyrir ofan.
Athugasemdir
