Skagamenn heimsóttu topplið Breiðabliks þegar 15.umferð Bestu deildar karla hélt áfram göngu sinni nú í kvöld.
Skagamenn sátu á botni deildarinnar með 8 stig en Breiðablik sátu á toppi deildarinnar með 35 stig.
Lestu um leikinn: Breiðablik 3 - 1 ÍA
„Við erum auðvitað aldrei ánægðir eftir tapleik en það er niðurstaðan og við verðum að sætta okkur við hana og taka þá hluti sem við erum ánægðir með út úr þessu og í næsta verkefni og í undirbúning fyrir næsta verkefni og sá undirbúningur hefst strax á morgun." Sagði Jón Þór Hauksson þjálfari ÍA eftir leikinn í kvöld.
„Það var liðsbragur, það var liðsheild og menn voru virkilega að vinna fyrir hvorn annan og bakka hvort annan upp og það eru hlutir sem við höfum rætt mikið um svona á milli leikja og vildum bæta. Það eru ákveðnir þættir sem við vildum og viljum bæta hjá okkur og mér fannst við gera það heilt yfir mjög vel í þessum leik og gerðum vel."
„Mér fannst við fá mjög gott færi í fyrri hálfleiknum til að komast yfir líka og svo auðvitað náum við því í seinni hálfleik, frábæru upphlaupi í frábærri sókn og skorum frábært mark sem við hefðum auðvitað viljð halda aðeins lengur í og gefa okkur aðeins meiri orku en Blikarnir eru með frábært lið og spiluðu mjög vel í dag."
Nánar er rætt við Jón Þór Hauksson þjálfara ÍA í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
