Srdjan Tufegdzic þjálfari Vals

Mynd: Fótbolti.net - Hafliði Breiðfjörð

„Erfitt að velja hvaða orð væri best að nota núna um hvernig mér líður. Leikur sem við erum bara með sigurinn í hendinni. Erum 2-0 yfir og einum fleiri og 'total control'. Að missa það í tap er bara mikið mix af neikvæðum tilfiningum akkurat núna." Sagði Srdjan Tufegdzic þjálfari Vals eftir leikinn í kvöld.

Valur voru tveimur mörkum yfir og manni fleiri í síðari hálfleik og því gríðarlega súrt að missa það niður.

„Ekkert kannski í síðari hálfleik. Mér finnst við koma vel inn í seinni hálfleik. Erum að halda góðri stjórn og laga svona hluti sem við kannski misstum aðeins úr hendi í lok fyrri hálfleiks. Erum bara að komast í góða stöðu til að bæta þriðja markinu en eftir rauða spjaldið þá kemur bara mark í kjölfarið úr aukaspyrnunni af rauða spjaldinu sem kemur upp og það setur okkur í mikið panic sem á ekkert að gerast með svona reynslumikið lið eins og við erum og svona mikla karaktera og við erum og hleypum leiknum upp í óþarfa 'Hawaii' fótbolta sem Víkingar nýta betur og eru fljótir að bæta öðru og þriðja marki." 

Nánar er rætt við Srdjan Tufegdzic í spilaranum fyrir ofan.