Nottingham Forest hefur hafið rannsókn á hómófóbískum söngvum sem lítill hluti af stuðningsmönnum liðsins sungu til stuðningsmanna Chelsea á leik liðanna sem fram fór í gær.
Chelsea Pride, LGBTQ+ stuðningshópur Chelsea FC gaf frá sér yfirlýsingu í hálfleik þar sem söngvarnir höfðu heyrst í útsendingu Sky Sports.
„Við líðum ekki þessa söngva sem heyrast á City Ground. Tími til að segja frá þessu, leikurinn er í beinni á Sky Sports. Þetta er nú talið vera hatursglæpur," segir í yfirlýsingu Chelsea Pride sem var birt i hálfleik.
LGBTQ+ Trickies stuðningshópur Nottingham Forest sendi einnig frá sér yfirlýsingu í kjölfarið.
„Vinsamlegast samþykkið afsökunarbeiðni frá öllum ekta stuðningsmönnum Nottingham Forest. Við skömmumst okkar."
LGBTQ+ Trickies skoraði á Nottingham Forest að gera eitthvað í málinu sem þeir svo staðfestu eftir leikinn.
„Félagið hefur fengið ábendingar um söngva sem var beint að stuðningsmönnum Chelsea af minnihluta hópi af okkar stuðningsmönnum í kvöld og við sættum okkur ekki við mismunun eða móðgandi hegðun. Þetta mun vera rannsakað," segir í yfirlýsingu frá Nottingham Forest sem var birt skömmu eftir leikinn.
The Club are aware of reports concerning chants aimed at Chelsea supporters from a minority of fans this evening and do not condone any type of discriminatory or offensive behaviour.
— Nottingham Forest FC (@NFFC) January 1, 2023
The matter will be fully investigated.