Kelechi Iheanacho hefur verið valinn besti leikmaður ensku úrvalsdeildarinnar í mars. Thomas Tuchel hlýtur nafnbótina knattspyrnustjóri mánaðarins.
Iheanacho hefur verið funheitur og skoraði hann fimm mörk í þremur úrvalsdeildarleikjum með Leicester í mars. Þar að auki setti hann tvennu og lagði eitt upp í 3-1 sigri gegn Manchester United í FA bikarnum en það er ekki talið með.
Iheanacho er 24 ára gamall og hefur mistekist að sanna gæði sín í ensku úrvalsdeildinni undanfarin ár þrátt fyrir að hafa átt góða spretti.
Chelsea hefur farið vel af stað með Tuchel við stjórnvölinn. Liðið fékk ekkert mark á sig í þremur leikjum í mars og lagði bæði Everton og Liverpool að velli, auk þess að gera jafntefli við Leeds United. Þá sló Chelsea andstæðinga sína úr leik í Meistaradeildinni og FA bikarnum en það telst ekki með.
Tuchel tók við Chelsea í lok janúar eftir að hafa verið hjá Dortmund og PSG meðal annars.
Erik Lamela á mark mánaðarins.
An absolute jaw-dropper 😱@ErikLamela's Rabona in the derby 𝙝𝙖𝙙 to be March's @budfootball Goal of the Month#PLAwards pic.twitter.com/kAcX7jgjEr
— Premier League (@premierleague) April 2, 2021
Athugasemdir