Enski miðjumaðurinn Carney Chukwuemeka er kominn til Borussia Dortmund á láni frá Chelsea. Þýska félagið greinir frá skiptunum á samfélagsmiðlum í kvöld.
Þessi 21 árs gamli miðjumaður hefur fengið fá tækifæri til að sanna sig fyrir Enzo Maresca á leiktíðinni.
Hópur Chelsea er stór og geta því ekki allir komist að en Chelsea
samþykkti að lána hann út tímabilið.
Dortmund stökk á tækifærið og hefur nú gengið frá skiptunum, en það er kaupákvæði í samningnum.
Chukwuemeka er hæstánægður með að vera kominn til þýska félagsins.
„Þetta er ótrúlega spennandi fyrir mig og er það alger heiður að vera orðinn partur af þessu frábæra félagi. Ég get ekki beðið eftir að spila fyrir framan stuðningsmennina á Signal Iduna Park og hjálpa félaginu að ná árangri,“ sagði Englendingurinn á heimasíðu Dortmund.
Fleiri leikmenn gætu yfirgefið Chelsea á næstu klukkutímum. Joao Felix er á leið á láni til AC Milan og þá gætu Axel Disasi og Ben Chilwell einnig skipt um félag.
Borussia Dortmund leiht Mittelfeldspieler Carney Chukwuemeka vom FC Chelsea aus. ????
— Borussia Dortmund (@BVB) February 3, 2025
Englands U20-Nationalspieler wechselt zunächst bis zum Sommer 2025 an die Strobelallee. Der BVB sicherte sich eine Option, die es dem Klub ermöglicht, Chukwuemeka ggf. über das Leihende hinaus… pic.twitter.com/N31kSxdVLl
Athugasemdir
