Fótbolti.net

Óskar Smári: Súr tap og eiga hálfklárað verkefni fyrir norðan

Guðni eftir útisigur: „Algjört skólabókadæmi um að nýta breidd“

Guðný: Held það hafi enginn gert ráð fyrir þessu

Venni: Þurfum að hreiðra um okkur á toppnum

Elfar Árni: Viljum ekki hafa einhvern sem vill ekki vera hérna

Gunnar Heiðar talar um barnaleg mistök - „Verðum að gera betur í meistaraflokki"

Badu fann fyrir létti - „Ég á ekki að bregðast svona við"

Nenad: Er kominn með afsökun til að bekkja allt liðið

Gísli Eyjólfs: Við þurfum að fara vakna

Frábær frammistaða Keflvíkinga - „Hann er gríðarlega mikilvægur fyrir okkur"

Heimir óánægður með viðbrögð síns liðs: Fannst við aldrei reyna

Davíð Smári: Einhver tappi losnaði

Lárus Orri: Ekki eitthvað eitt sem hægt er að horfa í hvað það varðar

Hemmi svekktur: Stóru ákvarðanirnar allar á móti okkur í dag

Jói Kalli: Hörkugæði og hraði í þessum strák

Jakob Byström í viðtali á íslensku: Súper glaður

Brynjar Björn: Við verðum að nýta færin sem við fáum

Óli Skúla hundóánægður: Spiluðum þetta upp í hendurnar á þeim

Rúnar Kristins: Sjaldan fagnað eins mikið og núna

Langbesta frammistaða Mosfellinga - „Ungur og efnilegur leikmaður sem á framtíðina fyrir sér”

lau 04. maí 2019 18:56

Hafliði Breiðfjörð

Palli Gísla: Á enginn sæti eftir hvað hann heitir

Palli Gísla ræddi við Fótbolta.net eftir tapið gegn Leikni í dag.

Mynd: Fótbolti.net - Sævar Geir Sigurjónsson

„Ég er ekki sáttur við að tapa en við vorum allavega að sýna betri leik í dag en þegar við byrjuðum mótið í fyrra," sagði Páll Viðar Gíslason þjálfari Magna eftir 4-1 tap gegn Leikni í Breiðholtinu í fyrsta leik Inkasso-deildarinnar í dag en Magni byrjaði mótið í fyrra á 3-0 tapi úti gegn HK.

Lestu um leikinn: Leiknir R. 4 - 1 Magni

„Þetta er það sem við erum að reyna að vinna í, að menn leggi sig almennilega fram. Við erum bara að skila ótrúlega ódýrum mörkum á okkur og það truflar hrikalega. Það er þó engin launung að Leiknismenn voru mikið sprækari en við í dag. Við bítum á jaxlinn og höldum áfram."

Hann sagði að hann hafi vitað að það yrði erfitt að vinna Leikni fyrirfram en er ósáttur við að liðið á erfitt með að vinna leiki á útivelli.

„Við verðum að fara að krafla í útileiki eins og heimaleiki. Það verður að ná í einhver stig á útivöllum, við fengum ekki mörg í fyrra. Það þýðir ekki að bíða eftir að komast heim og fara í þægindaramma."

Framherjinn öflugi Gunnar Örvar Stefánsson var varamaður hjá Magna í dag en kom inná í hálfleik og skoraði mark.

„Hann er ekki full fit en er allur að koma til. Við erum komnir með þann hóp sem við ætlum að vera með í sumar og þurfum að standa og falla með því. Ég hef fulla trú á þessu liði og við getum stolið sigri í öllum leikjum, en líka tapað fyrir hverjum sem er."

Aron Elí Gíslason markvörður kom til Magna á dögunum frá KA en hann spilaði í Pepsi-deildinni í fyrra. Í dag var hann hinsvegar á bekknum eftir að hafa fengið á sig tíu mörk í bikarleiknum gegn Breiðabliki á dögunum. Steinþór Már Auðunsson, Stubbur varði mark liðsins í dag.

„Það má bara vera einn í marki," sagði Palli en er Stubbur betri markvörður? „Ég get ekki dæmt um hvort hann sé betri en ég vel það lið sem ég tel ná úrslitum. Aron spilaði síðasta leik og er nýkominn. Það getur vel verið að hann spili fullt af leikjum. Það er samkeppni þar eins og annars staðar en á enginn sæti í liðinu sjálfkjörið eftir hvað hann heitir eða hvaðan hann kemur. Það virkar ekki þannig."