![Lengjudeildin](/images/leng_150x150.png)
Grindvíkingar heimsóttu nágranna sína í Njarðvík á Rafholtvellinum þegar flautað var til leiks í 11.umferð Lengjudeildarinnar í kvöld.
Lestu um leikinn: Njarðvík 0 - 1 Grindavík
„Ég er ótrúlega ánægður. Við vorum nokkuð brattir hérna fyrir leikinn. Byrjuðum illa en unnum okkur vel inn í leikinn og það var ljúft að þetta hafi dottið okkar megin." Sagði Haraldur Árni Hróðmarsson þjálfari Grindavíkur eftir leikinn í kvöld.
Eftir vonbrigðartap í síðustu umferð var virkilega sterkt fyrir Grindavík að ná í sigur strax í næsta leik.
„Það skiptir öllu máli. Það var svolítið erfitt að kyngja því þessu tapi og við vorum á góðu rönni og óþarfi að missa það niður og Þróttararnir gerðu vel en svo að koma á útivöll á móti einu af toppliðum var rosalega sterkt að nýta tækifærið og svara fyrir síðustu frammistöðu."
Adam Árni Róbertsson kom inn af bekknum í kvöld og setti sigurmarkið fyrir Grindavík.
„Það er nátturlega bara kraftaverk að hann geti spilað fótbolta svona snemma eftir þessi hræðilegu meiðsli. Það var virkilega sætt að geta sett hann inná. Dagur Ingi búin að leggja þvílíka vinnu á sig inni á vellinum og einn að berjast við þrjá þarna aftast og lagði grunninn svo kemur bara Adam inn og siglir þessu. Hann á þetta mark þvílíkt skilið."
„Gæjin kjálkabrotnaði og gafst ekki upp í eina sekúndu og hélt bara áfram að æfa og kemur bara í enn betra formi. Þannig ég samgleðst honum og allt liðið."
Nánar er rætt við Harald Árna Hróðmarsson þjálfara Grindavíkur í spilaranum hér fyrir ofan.
Lið | L | U | J | T | Mörk | mun | Stig |
---|---|---|---|---|---|---|---|
1. Fjölnir | 11 | 7 | 3 | 1 | 21 - 12 | +9 | 24 |
2. Njarðvík | 11 | 6 | 2 | 3 | 22 - 15 | +7 | 20 |
3. ÍBV | 11 | 5 | 4 | 2 | 23 - 13 | +10 | 19 |
4. Grindavík | 10 | 4 | 4 | 2 | 18 - 14 | +4 | 16 |
5. ÍR | 11 | 4 | 4 | 3 | 16 - 17 | -1 | 16 |
6. Afturelding | 11 | 4 | 2 | 5 | 16 - 22 | -6 | 14 |
7. Þór | 10 | 3 | 4 | 3 | 16 - 16 | 0 | 13 |
8. Þróttur R. | 11 | 3 | 3 | 5 | 18 - 17 | +1 | 12 |
9. Keflavík | 11 | 2 | 6 | 3 | 14 - 13 | +1 | 12 |
10. Leiknir R. | 11 | 4 | 0 | 7 | 13 - 19 | -6 | 12 |
11. Grótta | 11 | 2 | 4 | 5 | 17 - 26 | -9 | 10 |
12. Dalvík/Reynir | 11 | 1 | 4 | 6 | 12 - 22 | -10 | 7 |