Ragnar Sigurðsson, fyrirliði FK Rostov sem er farið vel af stað í efstu deild í Rússlandi, var fenginn í viðtal hjá Fótbolta.net fyrir landsleikjahléð.
Ísland byrjar á heimaleik gegn Moldóvu á Laugardalsvelli næsta laugardag. Þremur dögum síðar er gríðarlega mikilvægur útileikur gegn Albaníu.
„Þetta eru leikir sem við teljum okkur eiga að vinna en að sjálfsögðu verður þetta erfitt," sagði Ragnar, en Ísland er með níu stig eftir fjórar umferðir.
Ragnar var einnig spurður út í meiðslavandræði landsliðsins og samstarf sitt með Kára Árnasyni sem er kominn aftur í íslenska boltann eftir dvöl erlendis.
„Þetta er búið að vera svona í langan tíma finnst mér, það er alltaf einhver sem er meiddur og við höfum alltaf náð að redda því. "
Athugasemdir
