Byrjunarlið Fram og KA: Addi Grétars gerir 3 breytingar - Fram með óbreytt lið

KA menn sitja í 2. sæti og geta búið til smá pláss milli síns og Víkings með sigri í dag þar sem Víkingar gerðu jafntefli við ÍBV fyrr í dag.

Frammarar sitja í 7. sæti og eru í harðri baráttu um að komast upp í efri hluta deildarinnar fyrir skiptingu en þeir eru 3 stigum á eftir KR eins og er.

Jón Sveinsson þjálfari Fram stillir fram óbreyttu liði frá síðustu viðureign sem var jafntefli á útivelli við Val.

Arnar Grétarsson þjálfari KA gerir 3 breytingar á liði sínu sem tapaði 2-1 gegn FH í undanúrslitum Mjólkurbikarsins. Það eru þeir Elfar Árni Aðalsteinsson, Hrannar Björn Steingrímsson og Sveinn Margeir Hauksson sem koma úr liðinu og í stað þeirra koma Andri Fannar Stefánsson, Steinþór Freyr Þorsteinsson og Þorri Mar Þórisson.