Vinstri bakvörðurinn Rayan Aït-Nouri hefur verið staðfestur sem nýr leikmaður Wolves eftir 1-0 sigur liðsins gegn Fulham í dag.
Aït-Nouri er 19 ára gamall og kemur að láni frá Angers. Hann mun leysa stöðu vinstri bakvarðar af hólmi eftir að Ruben Vinagre skipti yfir til Olympiakos á samskonar lánssamningi.
Þessi efnilegi bakvörður á tólf leiki að baki fyrir yngri landslið Frakka, þar á meðal tvo leiki fyrir U21 liðið.
Hann er afar fjölhæfur og getur leikið allsstaðar á vinstri vængnum.
Úlfarnir geta keypt Aït-Nouri fyrir 20 milljónir punda á næsta ári.
Athugasemdir