Kvennalið AC Milan er komið í úrslit Ofurbikarsins á Ítalíu eftir sigur á Roma í dag.
Milan var með 2-0 forystu í hálfleik en Roma minnkaði muninn undir lok leiksins en nær komust Rómarstúlkur ekki.
Guðný Árnadóttir sat allan tíman á varamannabekk Milan.
Olympiacos er á toppi grísku deildarinnar en liðið gerði markalaust jafntefli í dag. Ögmundur Kristinsson var að venju á bekknum, hann hefur aðeins leikið tvo leiki fyrir liðið á þessari leiktíð.
PAOK átti að spila í dag en þeirra leik var frestað vegna smita, Sverrir Ingi Ingason er leikmaður PAOK.
Á öðrum degi ársins vann Morecambe magnaðan 4-3 sigur á Doncaster í þriðju efstu deild á Englandi. Jökull Andrésson er á láni hjá Morecambe frá Reading en hefur ekkert spilað að undanförnu.
Aron Einar Gunnarsson var í byrjunarliði Al Arabi sem tapaði í gær en liðið er í hörku baráttu um að komast í Meistaradeild Asíu.
Athugasemdir
