Belgíska félagið Kortrijk hefur lagt fram tilboð í íslenska landsliðsmanninn Mikael Neville Anderson en hann er á mála hjá danska félaginu AGF. Þetta kemur fram í Tipsbladet.
Mikael Neville hefur verið eftirsóttur síðasta árið en AGF virðist ekki hafa áhuga á að selja hann.
Í síðustu tveimur gluggum hefur félagið hafnað tilboðum frá félögum í Belgíu og Ítalíu.
Tipsbladet greinir frá því að Kortrijk, félag Freys Alexanderssonar, hafi lagt fram tilboð í Mikael í síðasta mánuði en AGF hefur ekki svarað því.
Samkvæmt greininni eru ekki miklar líkur á að Mikael Neville fái leyfi til að fara. Magnus Knudsen, Julius Beck og Benjamin White eru allir farnir.
Mikael Neville er samningsbundinn næstu tvö árin en á dögunum hafnaði hann nýju samningstilboði félagsins.
Athugasemdir
