Gianluca Scamacca, framherji Atalanta, missir að öllum líkindum af leeik liðsins gegn Real Madrid í Ofurbikar Evrópu þann 14. ágúst.
Scamacca varð fyrir því óláni að meiðast á hné í æfingaleik gegn Parma í gær. Hann teigði sig í boltann inn í teig Parma og eitthvað gaf sig í hnénu um leið.
Það þurfti að styðja hann af velli en það er óttast að um alvarleg meiðsli séu að ræða.
Scamacca skoraði 19 mörk í 44 leikjum fyrir Atalanta á síðustu leiktíð.
Athugasemdir
