Sverrir Ingi Ingason verður í leikbanni þegar Ísland mætir Belgum í Þjóðadeildinni á þriðjudag eftir rauða spjaldið gegn Englendingum í kvöld.
Kári Árnason fer heldur ekki með til Belǵíu vegna leiks með Víkingi R. í næstu viku. Kári og Sverrir voru frábærir í vörn Íslands í kvöld en áhugavert verður að sjá hverjir verða miðverðir gegn Belgum á þriðjudag.
Erik Hamren, landsliðsþjálfari, ætlar að skoða málin í vörninni á næstunni.
Áhugavert verður að sjá hverjir verða miðverðir gegn Belgum á þriðjudag. Hjörtur Hermannsson og Hörður Björgvin Magnússon voru bakverðir í dag en þeir hafa báðir leikið sem miðverðir á ferlinum.
Á bekknum í dag voru einnig miðverðirnir Hólmar Örn Eyjólfsson og Jón Guðni Fjóluson.
„Það eru líka leikmenn sem eru þreyttir og við skoðum þetta í kvöld. Við eigum möguleika í hópnum og við skoðum hvað við gerum. Ég hef ekki hugsað út í þetta ennþá. Ég þarf nokkrar mínútur til viðbótar áður en ég fer að hugsa um leikinn gegn Belgum," sagði Hamren á fréttamannafundi í dag.
Athugasemdir