Það verður fróðlegur leikur í kvöld hjá AC Milan sem tekur á móti Genoa í ítölsku úrvalsdeildinni.
AC Milan hefur gengið brösulega í byrjun móts og er strax komin mikil pressa á Marco Giampaolo, þjálfara liðsins. Sögusagnir eru hafnar um næsta þjálfara Milan þrátt fyrir að aðeins sex leikir séu búnir af tímabilinu.
Fyrir leiki dagsins er Milan í 16. sæti með sex stig. Genoa er í 18. sæti með fimm stig.
Leikur Genoa og Milan er lokaleikur dagsins. Klukkan 13:00 mætast Spal og Parma, og klukkan 16:00 mætast Hellas Verona og Sampdoria.
laugardagur 5. október
13:00 Spal - Parma
16:00 Verona - Sampdoria
18:45 Genoa - Milan (Stöð 2 Sport)
Athugasemdir