Albert Guðmundsson átti stórleik er Genoa vann Cosenza, 4-0, í B-deildinni á Ítalíu í kvöld.
KR-ingurinn, sem er fastamaður í liði Genoa, lagði upp fyrsta mark leiksins fyrir Radu Dragusin. Hann tók aukaspyrnu sem rataði á Dragusin og stangaði varnarmaðurinn boltanum í netið.
Albert bætti við öðru marki Genoa á 57. mínútu eftir mistök hjá miðjumanni Cosenza. Sjötta mark Alberts á tímabilinu og hefur hann nú komið að fjórtán mörkum í öllum keppnum á tímabilinu.
Genoa skoraði tvö mörk til viðbótar og átti Albert meðal annars stoðsendinguna að þriðja markinu áður en hann fór af velli á 82. mínútu.
Genoa er í 2. sæti deildarinnar með 50 stig, ellefu stigum frá toppliði Frosinone.
? 57’| ALBEEEEEEEEEEEEEEEEEERT ????????
— Genoa CFC (@GenoaCFC) March 6, 2023
Il Grifo pressa alto, Albert ruba palla, salta anche Micai e fa 2-0!#GenoaCosenza 2??-0?? pic.twitter.com/oFJcdOtfTK
Athugasemdir