Frá keppnisvellinum í Zenica.
Eins og Fótbolti.net fjallaði um á laugardaginn eru vallaraðstæður í Zenica í Bosníu ekki góðar en þar mætast Bosnía/Hersegóvína og Ísland í undankeppni EM þann 23. mars.
„Þeir eru með verktaka sem sjá um völlinn almennt en hafa verið í launadeilum við bosníska félagið eða sambandið um greiðslur að sinna þessum verkefnum og því var ekkert unnið í vellinum," segir Magnús Valur Böðvarsson, vallarstjóri KR-vallarins.
„Það er víst búið að leysa það og byrjað að vinna en það er einnig byrjað að hlýna í Evrópu og því ekkert víst að völlurinn verði eitthvað skelfilegur. Þó það sé alveg góðar líkur á að hann verði ekki upp á marga fiska."
Sigurður Þórðarson á knattspyrnusviði KSÍ segir að innan KSÍ sé menn vissir um að allt verði gert til að hafa völlinn í sem bestu standi þegar leikurinn fer fram.
Rætt var um málið í útvarpsþættinum Fótbolti.net á laugardaginn.
Athugasemdir
