Mirror segir frá þessu og bætir við að Ten Hag hafi í kjölfarið látið leikmennina gjörsamlega heyra það. Um var að ræða stærsta tap United síðan 1931.

Hann sagði við leikmennina að þeir væru heppnir að fá að snúa aftur til Manchester með liðsrútunni í staðinn fyrir að ferðast til baka með stuðningsmönnunum sem ferðuðust til Liverpool og borguðu sig inn á leikinn.

Ten Hag mætti til vinnu klukkan sjö í morgun og leikmennirnir komu svo á æfingasvæðið klukkan níu. Hollendingurinn var enn mjög pirraður og lét þar leikmennina vita að ef svona vonleysi grípur um sig aftur, þá verði leikmenn færðir niður í U21 liðið.

Ten Hag sagði jafnframt við leikmennina að þeir mættu búast við fleiri tímum með Rainier Koers, sem er íþróttasálfræðingur United.

„Ten Hag vill ekki að leikmennirnir sogist aftur inn í slæma fílinn frá síðustu leiktíð og hann vill því að þeir vinni meira með íþróttasálfræðingi," segir heimildarmaður Mirror en næsti leikur liðsins er gegn Real Betis í Evrópudeildinni á fimmtudagskvöld.