Besta deild kvenna: Markalaust í Keflavík

Keflavík og ÍBV áttust við í fyrsta leik kvöldsins í Bestu deild kvenna og var fyrri hálfleikurinn afar fjörugur þar sem bæði lið fengu dauðafæri en boltinn rataði ekki í netið.

ÍBV komst nokkrum sinnum nálægt því að taka forystuna á fyrstu 20 mínútum leiksins en Kristín Erna Sigurlásdóttur tókst ekki að setja boltann í netið.

Keflavík vann sig inn í leikinn og fékk hættuleg færi en á einhvern hátt hélst staðan áfram markalaus.

Síðari hálfleikurinn var hundleiðinlegur þar sem ekkert gerðist að undanskildum hálffærum. Lokatölur 0-0 og eru þessi lið aðeins búin að skora fjögur og fimm mörk í fyrstu sjö umferðum tímabilsins.

ÍBV er áfram í næstneðsta sæti, með sjö stig. Keflavík er með átta stig.