Barcelona er mætt aftur í viðræður við Manchester City um kaup á Keira Walsh. Kaupverðið sem rætt er um á að vera metupphæð í kvennaboltanum.
Pernille Harder er sem stendur dýrasti leikmaður í sögu kvennaboltans en Chelsea borgaði 250 þúsund pund fyrir hana árið 2020 þegar hún var fengin frá Wolfsburg.
Pernille Harder er sem stendur dýrasti leikmaður í sögu kvennaboltans en Chelsea borgaði 250 þúsund pund fyrir hana árið 2020 þegar hún var fengin frá Wolfsburg.
Walsh er miðjumaður enska landsliðsins. Hún átti frábært mót og var í úrvalsliði mótsins þegar England varð Evrópumeistari í sumar. Barcelona hefur ekki mikinn tíma til að ganga frá skiptunum því félagsskiptagluginn lokar á morgun.
City hefur engan sérstakan áhuga á því að selja Walsh og hefur þegar neitað þremur tilboðum í hana. City er þrátt fyrir það þegar farið að leita að leikmanni í stað Walsh þar sem hún er á lokaári samnings síns.
Hún er 25 ára gömul, er uppalin hjá Blackburn en fór til City árið 2017. Hún áað baki 49 landsleiki fyrir og þrjá fyrir Bretland.
Athugasemdir
