Íslenski landsliðsmaðurinn Arnór Sigurðsson hefur leikið sér að andstæðingum sínum í sænsku úrvalsdeildinni á þessari leiktíð og virðist hann hafa fundið sitt gamla form.
Arnór er samningsbundinn rússneska félaginu CSKA Moskvu til 2024 en hann nýtti sér sérstakt úrræði FIFA og fékk að yfirgefa félagið í eitt ár vegna innrásarinnar í Úkraínu.
Hann samdi við sitt gamla félag Norrköping og í dag geislar svoleiðis af honum sjálfstraustið.
Arnór átti erfitt uppdráttar á síðustu leiktíð er hann var á láni hjá Venezia á Ítalíu. Hann fékk lítið að spila og var þá að glíma við meiðsli en nú er allt annar bragur á honum.
Hann skoraði tvö mörk í 4-1 sigri Norrköping á Hammarby í gær og var mikil ógn allan leikinn. Arnór hefur nú skorað 5 mörk og lagt upp 2 í 6 leikjum, en tölfræðin sýnir að yfirburðir hans eru gríðarlegir.
Small sample size so take it for what it is but Arnor Sigurdsson's performances for Norrköping since joining in the summer has been of an absurd level. Excited to see what his next step is. pic.twitter.com/wtGZKuaqSi
— Marcus Bring (@MarcusBr22) September 5, 2022
Tölfræðin hér fyrir ofan sýnir að hann hefur verið duglegur að koma sér í góðar stöður, taka menn á og er sífellt ógnandi við vítateiginn. Blái flöturinn sýnir meðaltalið hjá leikmönnum í sænsku deildinni en rauði flöturinn sýnir frammistöðu Arnórs og eru yfirburðirnir greinilegir. Hugarfarið er á réttum stað og hann búinn að finna sitt gamla form og gott betur en það.
Axén om Sigurdsson:
— discovery+ sport 🇸🇪 (@dplus_sportSE) September 5, 2022
"Det är mycket Hollywoodgrejer nu." pic.twitter.com/oO7imInl9s
Eftir tímabilið hjá Venezia viðurkenndi hann að það hefði verið mikil vonbrigði.
„Auðvitað vonbrigðatímabil hjá bæði liðinu og mér sjálfurm. Það er enginn heimsendir, það eru ups og downs í fótboltanum. Það skiptir meira máli að maður sé með hausinn í þetta þegar það er mótlæti og það er búið að vera mikið um það núna," sagði Arnór við Fótbolta.net fyrr í sumar er hann var í verkefni með íslenska landsliðinu.
Í því verkefni spilaði hann frábærlega og fékk hann endurnýjun lífdaga sem gáfu vísbendingar um að eitthvað meira væri í vændum og það reyndist rétt.
Síminn verður byrjaður að glóa eftir tímabilið í Svíþjóð ef hann heldur áfram á sömu braut, ef hann er ekki byrjaður að því nú þegar.
Athugasemdir