Oleksandr Zinchenko, leikmaður Manchester City, segir að það séu leiðinlegar fréttir að stuðningsmenn geti ekki verið viðstaddir Meistaradeildarleikinn gegn RB Leipzig á morgun.
Vegna hertra samkomutakmarkana í Þýskalandi verður leikið bak við luktar dyr á Red Bull Arena.
Vegna hertra samkomutakmarkana í Þýskalandi verður leikið bak við luktar dyr á Red Bull Arena.
„Þetta eru leiðinlegar fréttir fyrir bæði liðin og stuðningsmennina sem vildu fara á leikinn," segir Zinchenko.
„Við erum að spila fyrir stuðningsmenn en heilsan verður að vera í forgangi. Ég vona að allir séu við góða heilsu."
Manchester City er þegar búið að vinna riðilinn en leikurinn á morgun er í lokaumferð riðlakeppninnar.
„Það er stórt afrek að fara í gegnum riðilinn en það eru margir mikilvægir leikir framundan. Við viljum sýna okkar bestu frammistöðu."
Athugasemdir