Hinn spænsk íslenski Diego Jóhannesson hefur ekkert getað leikið með Albacete í spænsku B deildinni á þessari leiktíð vegna meiðsla. Hann hefur ekkert spilað síðan í mars í fyrra þegar hann sleit krossband.
Hann var hins vegar í hóp í fyrsta sinn í desember en hann greinir frá því á Twitter í dag að hann hafi þurft að fara í aðgerð á hné.
Þessi öflugi hægri bakvörður var að spila með Real Oviedo í B-deildinni á Spáni er Fótbolti.net tók einkaviðtal við hann og vakti athygli á því að hann væri gjaldgengur í íslenska landsliðið.
Rúmum tveimur árum síðar var hann valinn í hópinn og spilaði þrjá leiki árið 2016 og 2017, en hefur ekkert komið við sögu síðan en meiðsli hafa vissulega sett strik í reikninginn.
„Ég fór í aðgerð á hné í dag þar sem ég hef fundið fyrir eymslum í marga mánuði," skrifar Diego.
Hoy quería decir que he tenido que volver a pasar por quirófano para solucionar unas molestias que llevo teniendo desde hace meses en mi rodilla. Gracias al @albacetebp y @quironsalud por poner todos los medios posibles para recuperarme completamente. Seguimos en la pelea!! ?????? pic.twitter.com/V6IOyjjrGJ
— Diego Johannesson (@diegui_johan) February 7, 2023