Rabiot hefur spilað um 160 keppnisleiki fyrir Juve.

Mynd: EPA

Rabiot yfirgaf PSG á frjálsri sölu fyrir fjórum árum til að ganga til liðs við Juventus og er að renna út á samningi þar.

Manchester United og Liverpool hafa bæði verið nefnd til sögunnar sem áhugasöm um að fá Rabiot í sínar raðir frítt. Rabiot mun því geta valið sér um félag í sumar en hann segir Meistaradeildarfótbolta skipta mestu máli í ákvarðanatöku sinni.

„Ég vil spila í Meistaradeildinni og það er mikilvægasti þátturinn sem ég horfi á þegar ég samþykki næsta samning," sagði Rabiot, sem var svo spurður hvort hann hyggðist gera nýjan samning við Juventus. „Við erum ekki í samningsviðræðum en það er nægur tími fyrir þær. Það eru engar fréttir að svo stöddu."

Það verður að teljast ólíklegt að Juventus nái Meistaradeildarsæti eftir að hafa fengið 15 mínusstig í ítölsku deildinni, en Liverpool og Man Utd eiga góða möguleika á að enda í topp fjórum á Englandi.