James Milner, leikmaður Liverpool, var í dag heiðraður af breska konungsveldinu fyrir störf sín í þágu fótboltans og góðgerðarmála.
Milner var viðstaddur athöfn við Windsor-kastala í dag er hann fékk MBE-gráðu eða 'Member of the Most Excellent Order of the British Empire' eins og orðan kallast í fullri lengd.
Ferill Milner sem atvinnumanns spannar um tvo áratugi, en utan vallar stofnaði hann James Milner sjóðinn sem stuðlar að heilbrigðri afþreyingu fyrir ungt fólk í Bretlandi.
Milner, sem er 37 ára gamall, hefur leikið með Liverpool frá árinu 2015 og mun fara í sögubækurnar sem goðsögn hjá félaginu þegar hann leggur skóna á hilluna.
Milner hóf feril sinn hjá Leeds og fór þaðan til Newcastle. Svo spilaði hann með Aston Villa og Manchester City áður en hann gekk í raðir Liverpool.
Þá á Milner að baki 61 A-landsleik fyrir England en honum tókst að skora eitt landsliðsmark.
James Milner MBE ????
— Liverpool FC (@LFC) March 7, 2023
Congratulations, Milly ???? pic.twitter.com/nVgC35jsZj
Athugasemdir