Hákon Rafn Valdimarsson
Það vakti athygli að Hákon Rafn Valdimarsson, markvörður Gróttu, var ekki með liðinu í 4-3 sigri á Þór í fyrstu umferð Lengjudeildarinnar en hann hefur verið að glíma við meiðsli.
Hákon er aðeins 19 ára gamall en hefur verið aðalmarkvörður Gróttu síðustu þrjú tímabil.
Hann samdi við sænska úrvalsdeildarfélagið Elfsborg á dögunum en gengur ekki til liðs við félagið fyrr en félagaskiptaglugginn opnar í sumar.
Hákon var ekki í hópnum hjá Gróttu í dag en hann meiddist á æfingu liðsins á dögunum og var því ákveðið að hvíla hann í dag.
„Hákon fékk smá sting á hnéð á æfingu um daginn og var tæpur fyrir leikinn. Það er ástæðan fyrir að hann var ekki með því hann var ekki tilbúinn," sagði Ágúst Gylfason við Fótbolta.net.
Athugasemdir
