Hallgrímur Mar fór á kostum í 3-1 sigri KA gegn KR á Meistaravöllum fyrr í kvöld, Grímsi kom KA mönnum yfir með laglegu marki áður en hann lagði upp mark fyrir Brynjar Inga, í lokin innsiglaði Grímsi svo sigurinn með góðu skoti í fjærhornið.
Lestu um leikinn: KR 1 - 3 KA
„Við byrjuðum þetta mjög vel fyrstu 30, mér fannst við með leikinn alveg í höndum okkar en síðan verðum við smá skelkaðir þegar Rodri fær höfuðhöggið, þá föllum við neðar og missum taktinn, þá fáum við mark í andlitið.''
„Í seinni erum við ragir við að halda boltanum en við lifðum það sem betur fer af og náum að setja þriðja markið, við áttum það fyllilega skilið fannst mér.''
Arnar fékk undirbúningstímabil með liðið núna sem færði ákveðinn brag á liðið, er Hallgrímur sáttur með hvernig Arnar hefur stimplað liðið eftir sínum leik?
„Hann þurfti smá tíma til að setja sinn svip á liðið og það er búið að skila sér núna, við erum þéttir, við erum duglegri og við þorum að halda betur í boltann eins og sást í byrjun og mér líst bara vel á sumarið.''
Viðtalið í heild sinni má sjá í spilaranum hér fyrir ofan en þar ræðir Grímsi betur um leikinn, hvernig Arnar hefur komið sínum áherslum inn í leik KA-manna og hvernig hlutverk Grímsa er í liðinu sem sást að virkaði vel í dag með tveimur frábærum mörkum frá honum.
Athugasemdir