Þróttur V. vann sterkan 3-2 útisigur á Ægi í 2. deild karla á Þorlákshöfn í kvöld. Þetta var fyrsta tap Ægis í deildinni á þessu tímabili.
Gestirnir í Þrótti komust þrisvar yfir í leiknum. Fyrst skoraði Guðni Sigþórsson áður en Sigurður Hrannar Þorsteinsson jafnaði tveimur mínútum síðar úr víti.
Jóhann Þór Arnarsson kom Þrótturum aftur yfir á 52. mínútu en aftur svöruðu heimamenn með marki Dimitrije Cokic.
Tólf mínútum fyrir leikslok gerði Jóhann Þór annað mark sitt og í þetta sinn kom ekkert svar frá heimamönnum og lokatölur því 3-2 fyrir Þrótturum.
Þróttur er í 8. sæti með 7 stig en Ægir, sem var að tapa sínum fyrsta deildarleik í kvöld, í öðru sæti með 11 stig.
Völsungur og Höttur/Huginn gerðu 2-2 jafntefli á Húsavík.
André Abed kom gestunum á bragðið á 16. mínútu en Juan Hermida jafnaði rétt undir lok fyrri hálfleiks. Jakob Gunnar Sigurðsson, 17 ára gamall lykilmaður Völsungs, gerði níunda deildarmark sitt og kom Völsungi yfir á 57. mínútu með marki úr víti áður en Sæbjörn Guðlaugsson jafnaði níu mínútum fyrir lok venjulegs leiktíma.
Völsungur er í 3. sæti með 10 stig en Höttur/Huginn í 5. sæti með 9 stig.
Úrslit og markaskorarar:
Ægir 2 - 3 Þróttur V.
0-1 Guðni Sigþórsson ('1 )
1-1 Sigurður Hrannar Þorsteinsson ('3 , Mark úr víti)
1-2 Jóhann Þór Arnarsson ('52 )
2-2 Dimitrije Cokic ('69 )
2-3 Jóhann Þór Arnarsson ('78 )
Völsungur 2 - 2 Höttur/Huginn
0-1 André Musa Solórzano Abed ('16 )
1-1 Juan Guardia Hermida ('41 )
2-1 Jakob Gunnar Sigurðsson ('57 , Mark úr víti)
2-2 Sæbjörn Guðlaugsson ('81 )
2. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Selfoss | 8 | 6 | 1 | 1 | 18 - 8 | +10 | 19 |
2. Víkingur Ó. | 8 | 5 | 3 | 0 | 19 - 7 | +12 | 18 |
3. Ægir | 8 | 4 | 3 | 1 | 15 - 9 | +6 | 15 |
4. Völsungur | 8 | 4 | 1 | 3 | 17 - 11 | +6 | 13 |
5. KFA | 8 | 4 | 1 | 3 | 20 - 17 | +3 | 13 |
6. Kormákur/Hvöt | 8 | 3 | 2 | 3 | 8 - 8 | 0 | 11 |
7. Haukar | 8 | 3 | 2 | 3 | 11 - 12 | -1 | 11 |
8. Þróttur V. | 8 | 3 | 1 | 4 | 8 - 14 | -6 | 10 |
9. Höttur/Huginn | 8 | 2 | 3 | 3 | 16 - 20 | -4 | 9 |
10. KFG | 8 | 2 | 0 | 6 | 8 - 11 | -3 | 6 |
11. Reynir S. | 8 | 1 | 2 | 5 | 9 - 22 | -13 | 5 |
12. KF | 8 | 1 | 1 | 6 | 8 - 18 | -10 | 4 |
Athugasemdir