Arnór Ingvi Traustason hefur verið einn okkar besti maður síðan að Age Hareide tók við liðinu. Hann heldur bara áfram að skila sínu eins og algjör fagmaður og lék virkilega vel í 1-0 sigrinum gegn Englandi.
Englendingar voru að spila sinn síðasta undirbúningsleik áður en kemur að Evrópumótinu í Þýskalandi en kvöddu ekki á góðum nótum.
Englendingar voru að spila sinn síðasta undirbúningsleik áður en kemur að Evrópumótinu í Þýskalandi en kvöddu ekki á góðum nótum.
Lestu um leikinn: England 0 - 1 Ísland
„Við áttum þetta skilið fannst mér og það var virkilega gaman að skemma þetta partí," sagði Arnór eftir leik.
„Það er þvílík samheldni í þessu liði og við sýndum það bara. Við vorum klókir þegar við gátum verið klókir."
„Við viljum halda áfram að byggja á því góða sem við sýndum í síðustu undankeppni, mér fannst við sýna það í dag að við erum á leiðinni eitthvert."
Sjáðu viðtalið í heild sinni í sjónvarpinu hér að ofan.
