Elías Ingi veitir Arnóri Gauta tiltal í gær.
Menn tókust á í leik Breiðabliks og Vals í Bestu-deild karla í gærkvöldi en leiknum lauk með 2 - 2 jafntefli.
Lestu um leikinn: Breiðablik 2 - 2 Valur
Arnór Gauti Jónsson hafði verið að ergja leikmenn Vals í leiknum og fékk tiltal í fyrri hálfleik fyrir að atast í Kristni Frey Sigurðssyni.
Þegar Patrick Pedersen skoraði annað mark Vals í leiknum og kom þeim í 1 - 2 mátti sjá Arnór Gauta lenda upp á kant við Aron Jóhannsson.
Aron fagnaði í andlitið á Arnóri Gauta sem hrinti Valsmanninum í grasið. Aron flaug með tilþrifum nokkra metra en Elías Ingi Árnason dómari hélt ró sinni, veiti Arnóri Gauta aftur tiltal og þegar hann lét ekki segjast og hélt áfram að atast í Aroni ýtti Elías Ingi honum í burtu eins og meðfylgjandi myndir sýna.
Athugasemdir
