Nokkrir fyrrum lærisveinar Mourinho eru í leikmannahópi Roma, þar á meðal Henrikh Mkhitaryan og Chris Smalling sem hafa báðir gagnrýnt Portúgalann í fortíðinni.

Pedro er einn þeirra en það eru aðeins liðnir nokkrir mánuðir síðan hann sagði sína neikvæðu skoðun á Mourinho í fjölmiðlum.

Það er þó afar ólíklegt að Mourinho byggi ákvörðun sína á ummælum í fjölmiðlum, heldur frekar á frammistöðu Pedro í höfuðborginni. Pedro kom í fyrra og átti stórkostlegan fyrsta mánuð en var arfaslakur restina af tímabilinu.

Þetta er slæmt fyrir Rómverja í ljósi þess að hinn 33 ára gamli Pedro er meðal launahæstu leikmanna félagsins og er samningsbundinn næstu tvö árin.