Ari Freyr Skúlason.
„Þetta er ennþá í okkar höndum og ég sé mjög góða möguleika," segir Ari Freyr Skúlason, vinstri bakvörður íslenska landsliðsins, en hann er vongóður um að Ísland nái að landa sæti á EM á næsta ári.
Heimsmeistarar Frakka koma heimsókn á Laugardalsvöll á föstudaginn og Ari segir að Ísland muni taka hraustlega á móti þeim.
„Það hafa fleiri stórlið komið hingað og haldið að þetta verði göngutúr í garðinum (walk in the park). Þetta er okkar heimavöllur og með fólkið og stuðning á bakvið okkur þá gerum við þetta erfitt fyirr þeim."
„Við erum með okkar skipulag og ef við fylgjum því 100% þá sé ég góða möguleika á móti Frökkum. Það er ekki auðvelt að koma hingað á Laugardalsvöll og taka þrjú stig. Við ætlum að sýna þeim að við eigum fullt erindi í þá og við ætlum okkur á HM," sagði Ari en hann vonast eftir eins veðri og þegar Ísland lagði Holland í október 2014.
„Ef maður hugsar til baka í Hollandsleikinn þegar þeir komu hingað í mínus gráðum. Þeir voru vælandi yfir kuldanum í síðerma buxum og langerma treyjum. Ég vona að þetta verði svipað og við keyrum í þá," sagði Ari ákveðinn að lokum.
Hér að ofan má sjá viðtalið í heild sinni.
