Landsliðsmaðurinn Arnór Ingvi Traustason varð í dag sænskur meistari með Malmö.
Arnór Ingvi lagði upp síðasta mark Malmö þegar liðið burstaði Sirius 4-0 í sænsku úrvalsdeildinni í dag. Malmö er með tíu stigum meira en Elfsborg á toppi sænsku deildarinnar þegar þrjár umferðir eru eftir og það þýðir að titillinn er í höfn hjá Arnóri og félögum.
Þetta er í annað sinn sem Arnór verður sænskur meistari. Hann vann titilinn með Norrköping árið 2015.
Fótbolti.net sendir Arnóri hamingjuóskir en framundan hjá honum er mikilvægt landsliðsverkefni með Íslandi.
Athugasemdir
