1-1 jafntefli varð niðurstaðan í vináttulandsleik Íslands og Eistlands sem fram fór í Portúgal í gær, sanngjörn úrslit miðað við gang leiksins. Eistar voru betri í fyrri hálfleik en íslenska liðið í þeim seinni.
Tveir leikmenn léku sinn fyrsta landsleik fyrir Ísland í gær, KA-maðurinn Nökkvi Þeyr Þórisson (Beerschot) sem byrjaði leikinn og Leiknismaðurinn Sævar Atli Magnússon (Lyngby) sem kom inn sem varamaður.
Tveir leikmenn léku sinn fyrsta landsleik fyrir Ísland í gær, KA-maðurinn Nökkvi Þeyr Þórisson (Beerschot) sem byrjaði leikinn og Leiknismaðurinn Sævar Atli Magnússon (Lyngby) sem kom inn sem varamaður.
Eistneski hópurinn var bara skipaður leikmönnum sem spila í eistnesku deildinni en hún er ekki hátt skrifuð.
Alls voru sex leikmenn Eistlands sem léku sinn fyrsta landsleik í gær. Það voru þeir Karl Andre Vallner og Erko Jonne Tõugjas sem byrjuðu og Ioan Jakovlev, Nikita Vassiljev, Alex Matthias Tamm og Marko Lipp sem komu inn sem varamenn.
Í þessu janúarverkefni, sem er utan alþjóðlegs landsleikjaglugga, leikur Ísland tvo leiki í æfingabúðunum í Portúgal. Á fimmtudag verður leikið gegn Svíþjóð en Ísland verður án fjögurra leikmanna í þeim leik.
Athugasemdir