Ítalska goðsögnin Gianluca Vialli féll frá fyrir helgina sem var að líða. Hann hafði verið að glíma við krabbamein í brisi.
Eiður Smári Guðjohnsen, einn besti fótboltamaður sem hefur komið frá Íslandi, er á meðal þeirra sem hafa minnst Vialli.
Eiður spilaði undir stjórn Vialli hjá Chelsea árið 2002 en Ítalinn fékk Eið til félagsins. Eiður minnist þess á Instagram hvernig fyrstu skilaboðin hans frá Vialli voru.
„Hæ Eiður, þetta er Gianluca Vialli. Ég vildi tala við þig um að koma til Chelsea í sumar. Ég er sannfærður um að þú sért tilbúinn að taka næsta skref á þínum ferli og ég vil sjá þig í bláu treyjunni á næsta tímabili," skrifar Eiður og vitnar þar í skilaboðin sem hann fékk frá goðsögninni.
„Það er alveg víst að þú náðir mér alveg þegar þú sagðir: 'Hæ Eiður, þetta er Gianluca Vialli'. Það er mikið þakklæti og mikill heiður sem fylgir því að hafa fengið að kynnast þér, innan sem utan vallar. Hvíl í friði Luca."
Athugasemdir