09.03.25 - 11:53
Elvar Geir Magnússon
Góðar fréttir af Arnóri Ingva sem er í hópnum
Arnór Ingvi er klár í slaginn.
Mynd: Fótbolti.net - Hafliði Breiðfjörð
Arnór Ingvi er klár í slaginn.
Mynd: Fótbolti.net - Hafliði Breiðfjörð
Íslenski landsliðsmaðurinn Arnór Ingvi Traustason er í leikmannahópi Norrköping sem mætir Trelleborg í 8-liða úrslitum sænsku bikarkeppninnar í dag.
Arnór fór meiddur af velli í 3-0 sigri gegn Gais um síðustu helgi og Norrköping gaf lítið upp um stöðuna á honum.
Arnór fór meiddur af velli í 3-0 sigri gegn Gais um síðustu helgi og Norrköping gaf lítið upp um stöðuna á honum.
En nú er ljóst að meiðsli Arnórs eru ekki alvarleg og hann er í leikmannahópnum fyrir leikinn í dag, rétt eins og Ísak Andri Sigurgeirsson.
Arnór er 31 árs miðjumaður og á 63 landsleiki og 6 mörk fyrir íslenska landsliðið.
Á miðvikudaginn mun Arnar Gunnlaugsson opinbera sinn fyrsta landsliðshóp en 20. og 23. mars verður leikið gegn Kosóvó í einvígi um sæti í B-deild Þjóðadeildarinnar.
Arnór er 31 árs miðjumaður og á 63 landsleiki og 6 mörk fyrir íslenska landsliðið.
Á miðvikudaginn mun Arnar Gunnlaugsson opinbera sinn fyrsta landsliðshóp en 20. og 23. mars verður leikið gegn Kosóvó í einvígi um sæti í B-deild Þjóðadeildarinnar.
