Árni Freyr Guðnason og Jóhann Birnir Guðmundsson, þjálfarar ÍR, hafa skrifað undir nýjan samning við félagið en liðið hefur náð frábærum árangri í Lengjudeildinni í sumar. Samningurinn gildir til ársins 2026.
Þeir unnu í fyrsta sinn saman hjá félaginu síðasta sumar þegar liðið vann sér sæti í Lengjudeildinni. Liðið er í 4. sæti deildarinnar fyrir lokaumferðina en 2.-5. sæti fer í umspil um sæti í Bestu deildinni.
Tilkynning ÍR í heild sinni.
Árni og Jói framlengja!
Árni Freyr Guðnason og Jóhann Birnir Guðmundsson hafa skrifað undir nýjan tveggja ára samning við Íþróttafélag Reykjavíkur!
Árni tók við liðinu á miðju tímabili árið 2022 en Jói kom til félagsins fljótlega eftir það tímabil. Á þeirra fyrsta tímabili saman fórum við upp í Lengjudeildina. Í dag eru þeir á sínu öðru tímabili hjá okkur og hafa gert frábæra hluti í sumar!
Þetta eru gleðitíðindi fyrir ÍR og allt hverfið!
Viðtal við strákana verður birt innan skamms!
ÁFRAM ÍR!
