Abraham, sem kom frá Chelsea, hefur skorað fjögur mörk í tíu fyrstu leikjum sínum fyrir félagið og þá hefur hann einnig lagt nokkur upp. Stuðningsmenn Roma elska nýja leikmanninn og virðist Englendingur fýla lífið á Ítalíu.

Jose Mourinho fékk hann til liðsins en Mourinho sagði að hann væri að búa til alvöru framherja fyrir Gareth Southgate, stjóra enska landsliðsins.

Síðasti leikur Abraham fyrir England var gegn Íslandi fyrir 11 mánuðum síðan. Í kjölfarið datt hann alveg út úr myndinni hjá Thomas Tuchel, stjóra Chelsea, og missti því sætið sitt í landsliðinu.

Þessi öflugi framherji er kominn aftur í hópinn og er talið líklegt að hann byrji inn á í leiknum gegn Andorra í kvöld.