Víðir með bókina góðu.
,,Bókin er í sama formi og í fyrra en þá stokkaði ég hana alveg upp," sagði Víðir Sigurðsson við Fótbolta.net í dag eftir að bók hans Íslenska knattspyrna 2014 kom út.
Fótboltasumarið á Íslandi var viðburðaríkt en Stjarnan varð Íslandsmeistari í fyrsta skipti í karlaflokki eftir dramatískan sigur á FH í úrslitaleik um titilinn og liðið varð einnig meistari í kvennaflokki.
Íslenska karlalandsliðið hefur einnig byrjað frábærlega í undankeppni EM árið 2016. Víðir segir að það hafi verið skemmtilegt að búa bókina til í ár.
Fótboltasumarið á Íslandi var viðburðaríkt en Stjarnan varð Íslandsmeistari í fyrsta skipti í karlaflokki eftir dramatískan sigur á FH í úrslitaleik um titilinn og liðið varð einnig meistari í kvennaflokki.
Íslenska karlalandsliðið hefur einnig byrjað frábærlega í undankeppni EM árið 2016. Víðir segir að það hafi verið skemmtilegt að búa bókina til í ár.
,,Það var með allra skemmtilegasta móti þetta árið. Ég sagði í fyrra að árið 2013 hefði verið eitt besta ár sem ég mundi eftir en ég held að 2014 hafi toppað það," sagði Víðir.
Það eru ekki bara íslenskir knattspyrnuáhugamenn sem kaupa bókina því Víðir sendir einnig eintök til aðdáenda erlendis.
,,Áhugamenn um íslenskan fótbolta leynast í Þýskalandi, Frakklandi, Englandi og víðar. Það eru fastakúnnar þar alltaf," sagði Víðir.
Hér að ofan má sjá viðtalið í heild sinni.
Athugasemdir
