Callum Wilson, leikmaður Newcastle hefur beðið Liverpool samfélagið afsökunnar fyrir að segja að liðið væri ekki komið á beinu brautina eftir að Bítlaborgarliðið lagði Newcastle fyrir tæpum mánuði síðan.
Liverpool hefur ekki fengið á sig mark í síðustu fimm deildarleikjum og unnið fjóra af þeim.
Wilson heldur úti hlaðvarpsþætti með Michail Antonio framherja West Ham en þar sagði hann þetta um Liverpool. Hann var mættur aftur í þáttinn eftir að Liverpool valtaði yfir Manchester United um síðustu helgi.
„Ég bið afsökunar á því að segja að Liverpool sé ekki komið aftur. Þeir eru mættir af krafti. Allt sem ég geri mun alheimurinn koma með eitthvað á móti. Þegar United lifti bikarnum fyrir viku gegn okkur sá maður þetta ekki fyrir, svona er fótboltinn, þetta er fegurðin í úrvalsdeildinni," sagði Wilson.