PSG borgar um 45 milljónir evra fyrir Pacho, sem er 22 ára gamall varnarmaður frá Ekvador og kemur úr röðum Eintracht Frankfurt.

Pacho er mikilvægur hlekkur í landsliði Ekvador þrátt fyrir ungan aldur og átti frábært tímabil með Frankfurt á síðustu leiktíð. Tímabilið þar á undan var Pacho einn af allra bestu varnarmönnum belgísku deildarinnar þar sem hann lék með Royal Antwerp í eitt ár.

Pacho er miðvörður og gerir fimm ára samning við PSG. Hann mun berjast við Marquinhos, Lucas Beraldo, Milan Skriniar og Presnel Kimpembe um sæti í hjarta varnarinnar.