Jón Þór Hauksson, landsliðsþjálfari kvenna, vonast til að íslenskum leikmönnum eigi eftir að fjölga í atvinnumennsku erlendis á næstu árum.
Franska félagið Le Havre keypti á dögunum Berglindi Björg Þorvaldsdóttur framherja Breiðabliks og Jón Þór vonar að fleiri leikmenn fari út á næstunni.
Franska félagið Le Havre keypti á dögunum Berglindi Björg Þorvaldsdóttur framherja Breiðabliks og Jón Þór vonar að fleiri leikmenn fari út á næstunni.
„Deildin á Íslandi í sumar hefur verið on og off eins og allar aðrar deildir í heiminum. Takturinn hefur verið on og off og það er ekki hægt að neita því að þessi stopp hafa sett strik í reikninginn. Deildin hefur samt sem áður verið öflug. Við erum að fá marga leikmenn heim og liðin eru að styrkja sig og þar fram eftir götunum," sagði Jón Þór við Fótbolta.net í dag.
„Ég held að það sé ekkert leyndarmál að við í landsliðinu myndum vilja sjá fleiri leikmenn í sterkari deildum í Evrópu. Við erum með hóp af ungum og bráðefnilegum leikmönnum esm við munum vonandi sjá á einhverjum tímapunkti í sterkum deildum í atvinnumennsku í náinni framtíð."
Sara Björk Gunnarsdóttir, landsliðsfyrirliði, samdi í sumar við Lyon og á dögunum vann hún Meistaradeildina með liðinu.
„Það gefur okkur frábæran kraft og orku í íslenskum fótbolta. Hvort sem það er í kringum fótboltalandsliðið eða fóboltann í heild sinni. Þetta hefur ungum iðkenndum kraft og hún er frábær fyrirmynd. Það er engin tilviljun hversu langt hún hefur náð. Hún hefur unnið fyrir því og á þetta svo sannarlega skilið. Frammistaðan í þessum úrslitaleik var stórkostleg."
Hér að neðan má sjá viðtalið í heild.
Athugasemdir